HISTORIA JONË
Kur studenti i kolegjit Xhorxh Vëruër (George Verwer) dhe dy miqtë e tij udhëtuan për në Meksikë për të ndarë dashurinë e Krishtit në vitin 1957, reagimi ishte impresionues.
Më pas, të rinjtë hapën atje një librari të krishterë dhe filluan transmetimet e krishtera në radio. Ndërsa miqtë e tij e zgjeruan shtrirjen e tyre në Evropë, ata shpallën të vërtetën e madhe se Perëndia përdor njerëzit e Tij për të arritur kombet. Të krishterët u ngritën në përgjigje dhe kështu lindi OM-i.
1955 |
Djali i zonjës Klep (Clapp) i dha Ungjillin e Gjonit një prej studentëve, i cili më vonë ia dha jetën Zotit në një takim të Billi Grahamit (Billy Graham). Ai i ri ishte Xhorxh Vëruër, themeluesi dhe Drejtori Ndërkombëtar i Operacion Mobilizimit. Në kolegj, Xhorxhi dhe dy miqtë e tij takoheshin rregullisht për t’u lutur. Ata ndjenë barrën e nevojave frymërore të Meksikës. |
1957 |
Të tre miqtë shitën disa nga zotërimet e tyre për të siguruar para dhe hoqën dorë nga pushimet verore për të shpërrndarë Ungjij dhe literaturë tjetër të krishterë në Meksikë. Miqtë u kthyen në Meksikë verën tjetër dhe tjetrën. |
1960 |
Kur u diplomuan, Xhorxhi dhe miqtë e tij udhëtuan për në Evropë. Filluan punën në Spanjë, duke ndarë Ungjillin dhe duke shpërndarë literaturë. Por detyra për të arritur të gjithë Evropën dukej tepër e madhe. Xhorxhi dhe skuadra e tij e vogël e kuptuan se plani i Perëndisë ishte të mobilizonte Kishën e Tij për të arritur kombet. Teksa filluan të ndajnë vizionin e tyre, qindra të krishterë u përgjigjën. Kështu lindi një lëvizje e quajtur Dërgo Dritën (Send the Light) |
1963 |
2.000 të krishterë iu bashkuan skuadrave të fushatave verore në Evropë. Në të njëjtën kohë, skuadrat u zhvendosën në nën-kontinentin Indian dhe në botën myslimane. Angazhimi i tyre ishte të arrinin ata që nuk e kishin dëgjuar kurrë Ungjillin. |
1970-1977 |
Shërbesa filloi të përhapet në të gjithë globin nëpërmjet anijes Logos në 1970 dhe anijes Doulos në 1977. |
1981 |
Dërgo Dritën (Send the Light) zyrtarisht e ndryshi emrin në Operacion Mobilizim (Operation Mobilisation). |
2007 |
OM feston 50 vjetorin! |
Përgjatë dekadave, përkushtimi ynë ndaj atyre që nuk e njohin dashurinë e Zotit është transmetuar në një mori mënyrash për të ndarë dashurinë e Zotit – që nga shërbesat që u shërbejnë refugjatëve dhe të pambrojturve, te evenimentet ndërkombëtare rinore dhe programet e e krishtera të artit, te një anije që udhëton nëpër botë për të ndarë dashurinë e Tij dhe për t’u shërbyer komuniteteve në nevojë. Ne përpiqemi të ndriçojmë në mënyrë krijuese dritën e Krishtit në gjithçka që themi dhe bëjmë, në mënyrë që dashuria e Tij të arrijë në skajet më të largëta të botës.